இவனுக்கு எங்கேயோ மச்சம் இருக்கு ஏ சான்றிதழ் – விநியோகஸ்தர்கள் மகிழ்ச்சி

விமல் கதாநாயகனாகவும் ஆஷ்னா சவேரி நாயகியாகவும் நடிக்க சாய் புரொடக்சன் பட நிறுவனம் சார்பில் சார்மிளா மாண்ரே ஆர்.சர்வண் தயாரிக்கும் படம் இவனுக்கு எங்கேயோ மச்சம் இருக்கு.திரைக்கதை வசனம் எழுதி இயக்குகிறார் ஏ.ஆர்.முகேஷ்.

விமல் ஆஷ்னாசவேரி தவிர ஆனந்த ராஜ், சிங்கம்புலி, மன்சூரலிகான், லோகேஷ், வெற்றி வேல்ராஜ், ஆத்மா ஆகியோருடன் போலிஸ் அதிகாரி வேடத்தில் பூர்ணா உள்ளிட்டோர் நடித்திருக்கிறார்கள்.

இந்தப்படத்துக்கு ஒளிப்பதிவு கோபி ஜெகதீஸ்வரன்,இசை நடராஜன் சங்கரன்,பாடல்கள் விவேகா,கலை வைரபாலன்,
நடனம் கந்தாஸ்,சண்டைப் பயிற்சி ரமேஷ்.படத்தொகுப்பு தினேஷ்

படம் பற்றி இயக்குநர் கூறியதாவது…

இது கிளாமர் கலந்த ஹூயூமர் படம் என்று ஆரம்பத்திலேயே கூறி இருக்கிறோம்.சினிமா என்பதே ஏழு வகையான கதையமைப்பு கொண்டவை தான்.இதற்குள் தான் எல்லாப் படங்களுமே அடங்கும்.

அதில் ஒரு வகை கிளாமர் ஹுயூமர்.அதைத் தான் இதில் கையாண்டிருக்கிறோம்.கிளாமரிலும் எல்லை மீறாத அளவையே தொட்டிருக்கிறோம்.

இன்று தியேட்ட்ருக்கு வந்து படம் பார்ப்பவர்களின் எண்ணிக்கை குறைவு. இளைய தலைமுறையைச் சேர்ந்தவர்கள் தான் தியேட்டர்களுக்கு வருகிறார்கள்.அவர்களுக்கு எது பிடிக்குமோ அதைத் தான் கதையாக சொல்கிறோம்.

இந்த படத்தின் டீசரை யூ டியூப்பில் 20 லட்சம் பேர் பார்த்திருக்கிறார்பார்த்தீர்களாகள்.

அதுவும் ஆறே நாட்களில். இதற்கு முன்பு விமல் படத்தின் டீசருக்கு இவ்வளவு வரவேற்பு எந்தப் படத்திற்கும் கிடைத்ததில்லை. டீசருக்கு கிடைத்த இந்த வரவேற்புக்கேற்ற மாதிரி படமும் இருக்கும். படத்தின் படப்பிடிப்பு இலண்டனில் 20 நாட்கள் நடைபெற்றது. தென்காசியிலும் சென்னையிலும் படப்பிடிப்பை நடத்தி முடித்தோம்.

முகம் சுளிக்கிற மாதிரி ஆபாசம் இல்லாமல் ரசிக்கிற மாதிரி கிளாமர் ஹுயூமர் படம் இது.

டிசம்பர் 7 ஆம் தேதி வெளியாகவிருக்கும் இந்தப்படத்துக்கு தணிக்கையில் ஏ சான்றிதழ் கிடைத்திருக்கிறது.

ஏ சான்றிதழ் என்பதால் படம் நிச்சயம் வெற்றி பெறும் என்று விநியோகஸ்தர்கள் மத்தியில் பேச்சு.