சிரிப்புக்கு உத்தரவாதம் – அரசியல்ல இதெல்லாம் சாதாரணமப்பா படக்குழு உறுதி
ராஜதந்திரம் வெற்றிப்படத்தைத் தொடர்ந்து அதன் நாயகன் வீரா நடிப்பில் தயாராகியிருக்கும் படம் அரசியல்ல இதெல்லாம் சாதாரணமப்பா.
தொலைக்காட்சி விளம்பரங்கள் உருவாக்கத்தில் அனுபவம் வாய்ந்த அவினாஷ் ஹரிஹரன் என்பவர் இப்படம் மூலம் முதன்முறை இயக்குநராகியிருக்கிறார்.
நாயகியாக மாளவிகா நாயர், முக்கிய வேடங்களில் பசுபதி, ரோபோ ஷங்கர் ஆகியோர் நடித்திருக்கிறார்கள்.
ஜலந்தர் வாசன் ஒளிப்பதிவு செய்திருக்கிறார். மேட்லி ப்ளூஸ் இந்தப் படத்துக்கு இசையமைத்திருக்கிறார்.
பாண்டிச்சேரியை சேர்ந்த ஒரு புகைப்படக் கலைஞர், சென்னையைச் சேர்ந்த திருமண ஒருங்கிணைப்பாளர் மற்றும் மும்பையைச் சேர்ந்த அடியாள் ஆகியோர் தங்கள் தொழிலில் மீண்டும் மேலே வரும் நோக்கில் இருக்கும் போது, ஒரு அரசியல்வாதியால் குழப்பம் ஏற்படுகிறது.
இதை முழுக்க முழுக்க நகைச்சுவையுடன் சொல்லியிருக்கிறார்களாம்.
இப்படம் வெளியீட்டுக்குத் தயாராகியிருக்கிறது. இப்படம் பார்க்க வரும் மக்களுக்கு கலகலப்பான அனுபவம் நிச்சயம் கவலைகள் மறந்து சிரித்துவிட்டு வரலாம் என்று படக்குழுவினர் நம்பிக்கையாகச் சொல்கிறார்கள்.
