மெர்சல் நட்டமா? யார் சொன்னது? – தயாரிப்பாளர் கேள்வி
அட்லி இயக்கத்தில் விஜய் நடிப்பில் வெளியான ‘மெர்சல்’ திரைப்படம் பெரிய நட்டம் என்றும் அதனால் அப்படத்தைத் தயாரித்த நிறுவனமான தேனாண்டாள் பிலிம்ஸ் பெரும் சிக்கலில் இருப்பதாகவும் சொல்லப்பட்டது.
அட்லி இயக்கத்தில் விஜய் நடிப்பில் வெளியான படம் ‘மெர்சல்’. ஸ்ரீதேனாண்டாள் பிலிம்ஸ் நிறுவனம் இப்படத்தை 130 கோடி செலவில் பிரம்மாண்டமாக தயாரித்திருந்தது. இந்தப் படம் விநியோகஸ்தர்களுக்கு பெரிய லாபம் கொடுத்த படம் என்று பலரும் பாராட்டி வந்தனர்.ஆனால், தயாரிப்பாளர் படக்குழுவுக்கு கொடுத்த ரூ 90 கோடி பட்ஜெட்டை இயக்குனர் அட்லீ ரூ 130 கோடிகளுக்கு மேல் செலவு வைத்து விட்டதாக பலரும் கூறி வந்தனர்.
இதன் மூலம் படத் தயாரிப்பாளருக்கு ரூ 15 லிருந்து 20 கோடி வரை நஷ்டத்தை ஏற்படுத்தியுள்ளதாக கூறப்படுகிறது.
ஆனால், தயாரிப்பு நிறுவனமான தேனாண்டாள் பிலிம்ஸ் எங்களுக்கு ‘மெர்சல்’ படம் மெகா ஹிட் என்று கூறினர். தற்போது ‘மெர்சல்’ படம் எங்களுக்கு பெருமை என்றும், தளபதி விஜய்யுடன் பணியாற்றியது எங்களுக்கு பெரிய மரியாதை என்றும் டுவிட்டரில் பதிவு செய்திருக்கிறார்கள்.
இதனால் விஜய் ரசிகர்கள் நிம்மதி அடைந்திருக்கின்றனர்.