மஹாவீர்யார் டீசருக்கு நல்ல வரவேற்பு – நிவின்பாலி மகிழ்ச்சி

நடிகர் நிவின் பாலி நடிப்பில் பெரிதும் எதிர்பார்க்கப்பட்ட “மஹாவீர்யார்” படத்தின் டீசர் இன்று மாலை ஆறுமணிக்கு வெளியாகியிருக்கிறது.

அப்ரித் ஷைனி இயக்கியிருக்கும் இந்தப் படத்தை பாலி ஜே ஆர் பிக்சர்ஸ் மற்றும் இந்தியன் மூவி மேக்கர்ஸ் ஆகிய நிறுவனங்களின் சார்பில் நிவின் பாலி, பி.எஸ்.சம்னாஸ் ஆகியோர் தயாரித்துள்ளனர்.

இப்படத்தில் நிவின் பாலி, ஆசிப் அலி, லாலு அலெக்ஸ், சித்திக், ஷான்வி ஸ்ரீவஸ்தவா, விஜய் மேனன், மேஜர் ரவி, மல்லிகா சுகுமாரன், சுதிர் கரமனா, கிருஷ்ண பிரசாத், பத்மராஜ் ரதீஷ், சுதீர் பரவூர், கலாபவன் பிரஜோத், பிரமோத் வெளியநாட், ஷைலஜா பி அம்பு உள்ளிட்டோர் முக்கிய வேடங்களில் நடித்துள்ளனர்.

இஷான் சாப்ரா இப்படத்திற்கு இசையமைக்க, விருது பெற்ற ஒளிப்பதிவாளர் சந்துரு செல்வராஜ் ஒளிப்பதிவு செய்துள்ளார். மனோஜ் (படத்தொகுப்பு), விஷ்ணு கோவிந்த் (ஒலிக்கலவை), அனீஸ் நாடோடி (கலை இயக்கம்), சந்திரகாந்த் & மெல்வி ஜே (ஆடைகள்), லிபின் மோகனன் (ஒப்பனை), பேபி பணிகர் (இணை இயக்குநர்) ஆகியோர் மேற்கண்ட பணிகளைச் செய்துள்ளனர்.

இயக்குநர் அப்ரித் ஷைனி, விருது பெற்ற எழுத்தாளர் எம்.முகுந்தனின் கதையைத் தழுவி இப்படத்தின் திரைக்கதையை அமைத்துள்ளார்.

1983 மற்றும் ஆக்‌ஷன் ஹீரோ பிஜு படங்களுக்குப் பிறகு மூன்றாவது முறையாக அப்ரித் ஷைனியும், நிவின் பாலியும் இணைந்து இப்படத்தில் பணியாற்றுகிறார்கள்.

மஹாவீர்யார் திரைப்படம் டைம் டிராவல், ஃபேண்டஸி மற்றும் நீதிமன்ற நடவடிக்கைகளைச் சுற்றி, உணர்வுப்பூர்வமான தருணங்களுடன், பொழுதுபோக்கு நிறைந்த படமாக உருவாக்கப்பட்டுள்ளது. இரசிகர்களுக்கு சிறப்பான அனுபவத்தை தரும், முழுமையான பொழுதுபோக்குத் திரைப்படமாக இப்படம் இருக்கும் என்று படக்குழுவினர் நம்பிக்கையாகக் கூறுகின்றனர்.

அதற்கேற்ப வெளியானதில் இருந்து நல்ல வரவேற்பை இப்படத்தின் டீசர் பெற்று வருகிறது. இதனால் நிவின்பாலி மிகுந்த மகிழ்ச்சி அடைந்துள்ளதாகச் சொல்லப்படுகிறது.

டீசர் காண….