நடிகர் சதீஷ் திருமணம் உறுதியானது எப்படி? சுவையான தகவல்கள்

2010 ஆம் ஆண்டு வெளியான தமிழ்ப்படம் மூலம் நகைச்சுவை நடிகராக அறிமுகமானவர் சதீஷ். 

இப்போது சிவகார்த்திகேயன், விஜய் உள்ளிட்ட முன்னணி நடிகர்களின் படங்கள் உட்பட ஏராளமான படங்களில் நடித்து வருகிறார்.

அவர் நேற்று (செப்டம்பர் 20,2019) தன்னுடைய ட்விட்டர் பக்கத்தில் தன்னுடைய திருமண உறுதி நிகழ்வு புகைப்படங்களைப் பகிர்ந்திருந்தார்.

பெண் யார்? என்பது உட்பட எவ்வித விவரங்களையும் அவர் பகிரவில்லை. இது தொடர்பாக விசாரித்ததில் கிடைத்த தகவல்களின் ஒரு பகுதி….

அவருக்கு வயது 33 ஆகிறது. கடந்த சில ஆண்டுகளாக அவருக்கு திருமணம் செய்வதற்காகப் பெண் தேடிக்கொண்டிருந்தனர். 
ஆனால் சரியான பெண் அமையவில்லை.

இந்நிலையில் அண்மையில் வெளியான சிக்ஸர் படத்தில் அவர் நடித்துக் கொண்டிருந்த போது, திருமணம் குறித்த பேச்சு வந்திருக்கிறது. 

அப்படத்தின் இயக்குநர் சாச்சியின் தங்கைக்கும் மாப்பிள்ளை பார்த்துக் கொண்டிருக்கும் தகவல் தெரியவந்திருக்கிறது.

அப்பெண்ணை மணமுடிக்க சதீஷ் விருப்பம் தெரிவித்தாராம். இயக்குநர் சாச்சியும் தம் வீட்டாரோடு பேசியிருக்கிறார்.

தொடக்கத்தில் யோசித்த அவர்களும் பின்பு ஒப்புக்கொண்டனராம். 
இதனால் அவர்களுக்கு நிச்சயதார்த்தம் நடந்திருக்கிறது. 

இருவரும் வெவ்வேறு சமூகத்தைச் சேர்ந்தவர்கள் என்பது குறிப்பிடத்தக்கது. 

இதற்கு ஒப்புக்கொண்ட இரு வீட்டுப் பெரியவர்களையும் மனதாரப் பாராட்டலாம்.