கதாநாயகிகளுக்கு ஏகன் அறிவுரை – ஹைகூ படவிழா தொகுப்பு

யுவராஜ் சின்னசாமி இயக்கத்தில் நடிகர்கள் ஏகன்,ஸ்ரீதேவி மற்றும் ஃபெமினா ஜார்ஜ் ஆகியோர் முன்னணி கதாபாத்திரங்களில் நடித்திருக்கும் திரைப்படம் ‘ஹைக்கூ’.

விஷன் சினிமா ஹவுஸ் சார்பில் டாக்டர் டி. அருளானந்து மற்றும் மேத்யூ அருளானந்து ஆகியோர் தயாரிப்பில் உருவாகியுள்ள இப்படம், வரும் அக்டோபர் 23 ஆம் தேதி உலகம் முழுவதும் திரையரங்குகளில் வெளியாகவுள்ளது.

இந்நிலையில்,இத்திரைப்படத்தின் இசை வெளியீட்டு விழா அக்டோபர் 10 அன்று நடைபெற்றது.

விழாவில் அமைச்சர் ராஜ்மோகன் பேசியதாவது….

தளபதியுடைய பல படங்கள் ஓடிய திரையில் என்னுடைய தம்பி ஏகன் படம் வெளியாகவிருப்பதும் மகிழ்ச்சி. கடின உழைப்பாளி ஏகன். இயக்குநர்,படக்குழு மற்றும் இன்றைய நாயகன் சித்து என எல்லோருக்கும் நெஞ்சம் நிறைந்த வாழ்த்துகள்.நல்ல கருத்துகளோடு பொழுதுபோக்கு அம்சமும் சேர்ந்திருக்கும் படங்கள் சமீபத்தில் வெளியாகவில்லை.’ஹைக்கூ’ அந்தக் குறையைப் போக்கும்.படம் மிகப்பெரும் வெற்றி அடைய வாழ்த்துகள் என்றார்.
 
தயாரிப்பாளர் கலைப்புலி தாணு….

இரண்டு கதாபாத்திரங்களுக்கிடையே ஆன மனஒற்றுமைகளையும் வேற்றுமைகளையும் துல்லியமாகப் படமாக்கியிருக்கிறார்கள். அதற்கு சித்து அற்புதமான இசை கொடுத்திருக்கிறார்.பாடல்களும் சிறப்பாக உள்ளன.படம் மிகப்பெரும் வெற்றியடையும்.ஏகன் பெரிய இடத்தை அடைவார் என்றார்.
 
பாடலாசிரியர் மோகன்ராஜா….

இந்த டைட்டிலுக்கே இயக்குநருக்கு வாழ்த்துகள்.ஹைக்கூ என்பது ஒரு தரிசனம்,அன்பு.எனக்கு பல ஹைக்கூ கவிதைகள் பிடிக்கும். இந்த தலைமுறைக்கும் ஹைக்கூ கொண்டுபோய் சேர்க்கவேண்டும்.இந்தப்படத்தில் வாய்ப்பு கொடுத்த சித்துவுக்கு நன்றி.ஏகன் இன்னும் பெரிதாக ஜெயிக்க வேண்டும் என்றார்.

இசையமைப்பாளர் சித்துகுமார்….

‘ஹைக்கூ’ என்னுடைய 15 ஆவது படம்.குடும்பம், நண்பர்களுக்கு நன்றி.விஷன் சினிமா ஹவுஸ் எப்போதுமே எனக்கு ஸ்பெஷல். ஏகன் இனிமையானவர்.தமிழ் சினிமாவில் பெரிய இடத்திற்குச் செல்வார்.நடிகர்கள் மற்றும் படக்குழுவினர் அனைவருக்கும் நன்றி.படம் நிச்சயம் அனைவருக்கும் பிடிக்கும் என்றார்.
 
இயக்குநர் சசி….

மிகவும் எளிமையான கதை’ஹைக்கூ’.இரண்டு விதமான காதலை நுணுக்கமாகச் சொன்ன இயக்குநருக்கும் சிறப்பாக நடித்த நடிகர்களுக்கும் வாழ்த்துகள்.நிச்சயம் இது படக்குழுவினருக்கு மைல்கல் திரைப்படமாக அமையும் என்றார்.
 
தயாரிப்பாளர் தனஞ்செயன்….

ஹைக்கூ படம் நான் பார்த்துவிட்டேன் கவிதையான படம்.படத்தின் கதை புதிதானது.காதலை முற்றிலும் வேறு ஒரு கோணத்தில் நமக்குல் காட்டும்.இதுபோன்ற ஒரு கதையைக் கொடுத்த இயக்குநர் யுவராஜ்க்கு வாழ்த்துகள்.ஹீரோயின்கள் இருவரும் கியூட். படக்குழுவுக்கு வாழ்த்துகள் என்றார்.

நடிகர் அதிர்ச்சி அருண்….

‘ஹைக்கூ’ படத்தில் வாய்ப்பு கொடுத்த தயாரிப்பாளர் அருள் சார் மற்றும் இயக்குநருக்கு நன்றி.மலையாளப் படங்ககும்,மலையாள நடிகர்களும் தமிழுக்கு வந்தால் ஹிட்தான்.அந்தவகையில்,ஹீரோயின் ஃபெமினாவும் ஹிட் ஆவார்.ஸ்ரீதேவி திறமையானவர்.ஹீரோ ஏகன் எனக்கு தம்பி மாதிரி.பெரிய ஹீரோவாக வருவார்.படத்திற்கு உங்கள் ஆதரவு தேவை என்றார்.

இயக்குநர் பொன்ராம்….

வித்தியாசமான லவ் ஸ்டோரி ‘ஹைக்கூ’.மகளிர் கல்லூரியில் ஒரே ஒரு ஆண் மாணவன் எனும் லைன் நன்றாக இருந்தது. நகைச்சுவை, லவ் என டிரெய்லர் கலாட்டாவாக இருந்தது.சித்து இசை அருமை.ஏகன் கருப்பு வைரம்.நிச்சயம் நல்ல இடத்திற்குச் செல்வார். ஃபெமினா,ஸ்ரீதேவி அருமையான நடிகர்கள்.கலர்ஃபுல்லாக,பிரம்மாண்டமாக தயாரிப்பாளர் அருள் சார் படம் எடுத்துள்ளார். படக்குழுவினருக்கு வாழ்த்துகள் என்றார்.
 
நடிகை ஃபெமினா….

நான் முதலில் பார்த்த தமிழ்ப்படம் தளபதியின் ‘துள்ளாத மனமும் துள்ளும்’ படம்தான். ஹைக்கூ எனக்கு ஸ்பெஷலான படம். ஏகன் சிறந்த நடிகர்.ஸ்ரீதேவியும் நானும் ஒருநாள் இணைந்து நடித்தோம்.படக்குழுவினருக்கு நன்றி.என்னை இந்தப்படத்தில் அழைத்து வந்த சுரேஷ் சந்திரா சாருக்கு நன்றி.சித்து இசை பிரம்மாதம்.படம் உங்களுக்கும் பிடிக்கும்.என் குடும்பத்தைப் பெருமைப்படுத்தும் படமாக இது இருக்கும் என்றார்.

நடிகை ஸ்ரீதேவி….

தமிழில் நான் அறிமுகமாகும் படம் ஹைக்கூ. என்னை நம்பி வாய்ப்பு கொடுத்த தயாரிப்பாளர்,இயக்குநருக்கு நன்றி என்றார்.
 
ஆர்ஜே நிதி….

இது எனக்கு முதல் படம்.வாய்ப்பு கொடுத்த யுவராஜூக்கும் விஷன் சினிமா ஹவுஸூக்கும் நன்றி.சித்து இசையில் கலக்கியிருக்கிறார். ஏகன்,அருண் என எல்லோரும் கலகலப்பாக வைத்திருந்தார்கள்.அக்டோபர் 23 அன்று படம் ரிலீஸ் ஆகிறது.அனைவரும் பாருங்கள் என்றார்.
 
இயக்குநர் யுவராஜ்….

பெரிதாக எந்த கண்டிஷனும் சொல்லாத தயாரிப்பாளர் அருள் சார்.அவருக்கு நன்றி.ஒத்துழைப்பு கொடுத்த படக்குழுவினருக்கு நன்றி. சித்துவின் ஆல்பம் சிறப்பாக வந்துள்ளது.என்னை நம்பி நான் சொன்னதை எல்லாம் செய்த ஏகன்,ஃபெமினா,ஸ்ரீதேவிக்கு நன்றி என்றார்.
 
தயாரிப்பாளர் அருளானந்து….

விஷன் சினிமா ஹவுஸின் மூன்றாவது படம் இது. சினிமாவில் தெரிவதற்காக 18 வருட உழைப்பைக் கொடுத்திருக்கிறார் ஏகன். நன்றாக நடித்தால் மட்டுமே சினிமாவில் நீடிக்கமுடியும் என ஏகனிடம் சொல்லியிருக்கேன்.என்னிடம் சொன்னதை அப்படியே யுவராஜ் எடுத்திருக்கிறார்.எனக்கு படம் ரொம்ப பிடித்திருக்கிறது.விஷன் சினிமாவின் அடுத்து ஐந்து படங்களுக்கும் சித்துதான் இசையமைப்பாளர். இசையும் கவிதை போல வந்திருக்கிறது.படத்தில் உழைத்த அத்தனை பேருக்கும் வாழ்த்துகள் என்றார்.

நடிகர் ஏகன்….

அதிர்ச்சி அருணும் நானும் பல வருடங்களாக நண்பர்கள்.பல சீரிஸ் ஒன்றாக நடித்திருக்கிறோம்.இப்போது ஹைக்கூ படத்திலும் நடித்திருக்கிறோம்.எனக்கு அற்புதமான பாடல்கள் கொடுத்த சித்து சாருக்கு நன்றி.ஹீரோயின்ஸ் இரண்டு பேரும் இயக்குநரை நம்புங்கள்.நிச்சயம் பெரிய இடத்திற்குச் செல்வீர்கள்.எனக்கு ஆதரவு கொடுத்த அப்பாவுக்கு நன்றி.23 ஆம் தேதி படம் பார்த்துவிட்டுச் சொல்லுங்கள் என்றார்.
 
சக்தி ஃபிலிம் பேக்டரி சக்திவேலன்….

விஷன் சினிமா ஹவுஸை நம்பி படம் செய்யலாம்.அந்த அளவிற்கு கடின உழைப்பைக் கொடுப்பார்கள்.’ஹைக்கூ’ படம் நிச்சயம் வெற்றி பெறும்

இவ்வாறு அவர் பேசினார்.