அரவிந்த்சாமி படத்தின் தற்போதைய நிலை

அரவிந்த்சாமி இப்போது சதுரங்க வேட்டை2, நரகாசூரன், வணங்காமுடி ஆகிய படங்களோடு மூவிங் பிரேம்ஸ் பட நிறுவனம் சார்பில் எஸ்.பார்த்தி எஸ்.சீனா இணைந்து தயாரிக்கும் “கள்ளபார்ட்” படத்திலும் நடித்துக்கொண்டிருக்கிறார்.

பி.ராஜபாண்டி திரைக்கதை எழுதி இயக்கும் இந்தப்படத்தில் அரவிந்த்சாமி கதாநாயகனாக நடிக்கிறார். கதாநாயகியாக ரெஜினா நடிக்கிறார்.

மற்றும் ஹரிஷ் பெராடி, ஆதேஷ், பாப்ரிகோஷ், ராட்சசன் புகழ் பேபி மோனிகா நடிக்கிறார்கள்.

இந்தப்படத்துக்கு ஒளிப்பதிவு அரவிந்த்கிருஷ்ணா,இசை நிவாஸ் கே.பிரசன்னா,வசனம் ஆர்.கே,படத்தொகுப்பு எஸ்.இளையராஜா,
கலை மாயபாண்டி,சண்டைப் பயிற்சி மிராக்கிள் மைக்கேல்

வித்தியாசமான கதைக் களம் கொண்ட கள்ளபார்ட் ஆக்‌ஷன் திரில்லர் படமாக உருவாகிக் கொண்டிருக்கிறது.

படத்தைப் பற்றி இயக்குநர் ராஜபாண்டி கூறியதாவது….

அரவிந்த்சாமி எவ்வளவோ படங்களில் நடித்திருக்கிறார். அவருக்கு எந்த காரக்டர் கொடுத்தாலும் சிறப்பித்து விடக் கூடியவர். இதில் அதிபன் என்கிற ஹார்ட்வேர் கதாபாத்திரம். நாம் என்ன சொல்கிறோமோ அதை அப்படியே உள்வாங்கி பிரதிபலிப்பார். அது ஸ்கிரீனில் இன்னும் பிரமிப்பை ஏற்படுத்தி விடும். கள்ள பார்ட் அவருக்கு சிகரமாய் இருக்கும்.

ரெஜினா டான்ஸ் டீச்சர் வேடம் ஏற்றிருக்கிறார்.

படப்பிடிப்பு வேகமாக வளர்ந்து வருகிறது. ஏப்ரல் மாதம் திரைக்கு வர உள்ளது என்றார் இயக்குநர்.

இயக்குநரின் கூற்றுப்படி பார்த்தால்,தற்போது அரவிந்த்சாமி நடிக்கும் நான்கு படங்களில் இந்தப்படம் முதலில் திரைக்கு வரும் என்று தெரிகிறது.