தனுஷ் 43 படத்தில் அதிரடி மாற்றம் – அதிகாரப்பூர்வ அறிவிப்பு
சத்யஜோதி ஃபிலிம்ஸ் தயாரிப்பில் தனுஷ் கதாநாயகனாக நடித்து பொங்கலுக்கு வெளியான படம் பட்டாஸ். இந்தப் படத்தைத் தொடர்ந்து நடிகர் தனுஷ் நடிக்கும் புதிய படத்தை சத்யஜோதி ஃபிலிம்ஸ் தயாரிக்கிறது.
இந்தப் படத்தை துருவங்கள் பதினாறு , மாஃபியா , நரகாசுரன் போன்ற படங்களை இயக்கிய கார்த்திக் நரேன் இயக்குகிறார் .
தனுஷின் 43 ஆவது படத்தின் மூலம் தனுசுடனும், சத்யஜோதி பிலிம்ஸ் நிறுவனத்துடனும் கார்த்திக் நரேன் முதன்முறையாக இணைகிறார் .
இதற்கு முன்பாக, தனுஷின் 43 ஆவது படத்தை ராட்சசன் இயக்குநர் ராம்குமார் இயக்குவதாகச் சொல்லப்பட்டது. இப்போது, தனுஷ் -ராம்குமார் திரைப்படம் மெகா பட்ஜெட் மற்றும் முன் தயாரிப்பு பணிகளுக்காக அதிக நேரத்தேவை காரணமாக சத்யஜோதி பிலிம்ஸ் தயாரிக்கும் “தனுஷ் 43 ” அந்த திரைப்படத்திற்கு முன்னதாக வெளியாகிறது என்று சொல்லியிருக்கிறார்கள்.
பொல்லாதவன் , ஆடுகளம் , மயக்கம் என்ன மற்றும் அசுரன் ஆகிய படங்களுக்குப் பிறகு ஜி.வி பிரகாஷ் 5 ஆம் முறையாக தனுஷுடன் கைகோர்க்கிறார் .
கதாநாயகி மற்றும் தொழில் நுட்பக் கலைஞர்கள் தேர்வு நடைபெறுகிறது . இன்னும் படப்பிடிப்பே தொடங்காத இந்தப்படம், வரும் அக்டோபர் மாதம் திரைக்கு வரும் என்றும் சொல்லியிருக்கிறார்கள்.
