பிக்பாஸ் 2 இறுதிப்போட்டியில் வென்ற நடிகை – குவியும் வாழ்த்துகள்
ஜூன் 17 ஆம் தேதி தொடங்கிய பிக்பாஸ் 2 நிகழ்ச்சி செப்டம்பர் 30 உடன் நிறைவு பெற்றது.
கமல்ஹாசன் தொகுத்து வழங்க, ஐஸ்வர்யா, ரித்விகா, ஜனனி, மும்தாஜ், சென்றாயன், பாலாஜி, நித்யா, பொன்னம்பலம், ஷாரிக், மகத், மமதி சாரி, வைஷ்ணவி, டேனி, ரம்யா என்.எஸ்.கே, அனந்த் வைத்தியநாதன், யாஷிகா ஆனந்த் ஆகிய 16 பேர் ’பிக் பாஸ்’ வீட்டுக்குள் சென்றார்கள்.
பல்வேறு போட்டிகள் வழங்கப்பட்டன. தொடர்ந்து ஆரம்பமானது வெளியேற்றும் நடவடிக்கை. ஒவ்வொருவராக வெளியேறத் தொடங்கிய நிலையில், வைல்டு கார்டு எண்ட்ரி மூலம் அந்த வீட்டுக்குள் வந்தார் விஜயலட்சுமி.
அடுத்தடுத்த வெளியேற்றங்களுக்குப் பிறகு, ஐஸ்வர்யா, ரித்விகா, ஜனனி, விஜயலட்சுமி ஆகிய நான்கு பேரும் இறுதிச் சுற்றுக்குத் தேர்வானார்கள்.
29/9/18 அன்று கிடைத்த ஓட்டுகளின் அடிப்படையில் குறைவாக வாங்கிய ஜனனி வெளியேற்றப் பட்டார்.தொடர்ந்து இரவு 12 மணிக்கு மேல் விஜயலட்சுமியும் அந்த வீட்டில் இருந்து வெளியேறினார்.
ரித்விகா, ஐஸ்வர்யா இருவரும் இறுதிப் போட்டியாளர்களாக மோதினார்கள். இருவரில் வெற்றியாளராக அறிவிக்கப்பட்டார் நடிகை ரித்விகா.
அவருக்கு ஐஸ்வர்யா உட்பட ஏராளமானோர் வாழ்த்து தெரிவித்து வருகிறார்கள்.
