பிக்பாஸ் 5 படுதோல்வி – விஜய் அதிர்ச்சி சன் மகிழ்ச்சி
விஜய் தொலைக்காட்சியில் அக்டோபர் 3 ஆம் தேதி முதல் கமல்ஹாசன் தொகுத்து வழங்கும் பிக்பாஸ் 5 ஆம் பாகம் ஒளிபரப்பாகிக் கொண்டிருக்கிறது.
பிக்பாஸ் நிகழ்ச்சி விஜய் தொலைக்காட்சிக்குப் பெரும் பலமாக அமைந்த நிகழ்ச்சி.
தமிழ்த் தொலைக்காட்சிகளில் எப்போதும் முதலிடத்தில் இருப்பது சன் தொலைக்காட்சி. இவ்வாண்டில் அதற்கு மிக நெருக்கமாக வந்துகொண்டிருந்தது விஜய் தொலைக்காட்சி.
சன் தொலைக்காட்சி 1100 என்றால் விஜய் 950 என்று இருந்தது.
இந்நிலையில், பிக்பாஸ் ஒளிபரப்பானால் சன் தொலைக்காட்சியை முந்திவிடும் என்று எதிர்பார்த்தார்கள். ஆனால் எல்லோருக்கும் பெரும் அதிர்ச்சி கொடுத்திருக்கிறது பிக்பாஸ் 5.
பொதுவாக பிக்பாஸ் தொடங்கும் நாளில் 14 டிவிஆர் என்கிற எண் கிடைக்குமாம். வார நாட்களில் 8 என்று இருக்குமாம். ஆனால், இம்முறை தொடக்க நாளில் 8 மட்டும் கிடைத்ததாம். வார நாட்களில் 4 மட்டும்தான் கிடைத்திருக்கிறதாம்.
இதனால் பிக்பாஸ் 5 நிகழ்ச்சி படுதோல்வி அடைந்துவிட்டதென்கிறார்கள்.
இதன் விளைவாக விஜய் தொலைக்காட்சி பேரரதிர்ச்சி அடைந்திருக்கிறது. சன் தொலைக்காட்சி மகிழ்ச்சி அடைந்திருக்கிறது என்கிறார்கள்.
