முன்னணி தமிழ்நடிகர்கள் நடிக்கும் தெலுங்குப் படம்

குணாஸ் எண்டடெயின்மெண்ட்ஸ் (Gunas entertainment’s) சாய் கார்த்திக் வழங்கும் மஹிந்திரா பிக்சர்ஸ் (Mahindhra Pictures) நிறுவனத்தின் சார்பாக தமிழ் மற்றும் தெலுங்கு  மொழிகளில் வி.ஸ்ரீனிவாச ராவ் தயாரிக்கும் “புரொடக்‌ஷன் நம்பர்.1” திரைப்படத்தின் தொடக்க விழா ஐதராபாத்தில் நடந்தது.

இப்படத்தில் சைதன்யா கதாநாயகனாகவும், ரித்திகா கதாநாயகியாகவும் நடிக்கிறார்கள். சுதாகர் அக்கின பள்ளி ஒளிப்பதிவு செய்யும் இந்தப்படத்துக்கு இசை ஸ்வரூப் – ஹர்ஷா.

பூஜை நிகழ்ச்சிக்கு சிறப்பு விருந்தினராக இயக்குநர் பூரி ஜெகன்நாத் மகன் நடிகர் ஆகாஷ் பூரி வருகை தந்தார். முதல் காட்சியின் படப்பிடிப்பை கிளாப் (Clap) அடித்துத் தொடங்கி வைத்தார.
 
பின்னர் நடந்த பத்திரிகையாளர் சந்திப்பில், படத்தின் இயக்குநர் சின்ன வெங்கடேஷ் பேசுகையில்….

அனைவருக்கும் விஜயதசமி வாழ்த்துகள். நான் சொன்ன கதை பிடித்ததால் இந்தப் படத்தை தயாரிக்க முன்வந்தார் தயாரிப்பாளர் வி.சீனிவாச ராவ். அவருக்கு என் நன்றிகள். ஹீரோ ஆகாஷ் பூரி, தயாரிப்பாளர் வி.ராவ் ஆகியோர் வந்து எங்களை வாழ்த்தியது எனக்கு மிகவும் மகிழ்ச்சி அளிக்கிறது. இது சஸ்பென்ஸ் த்ரில்லர் படமாக இருந்தாலும் காதல், குடும்பம் சம்பந்தப்பட்ட அனைத்து விதமான அம்சங்களும் இதில் உண்டு. இதில் பல முன்னணி தமிழ் நடிகர்கள் நடிக்கிறார்கள் என்று கூறினார்.

படத்தின் தயாரிப்பாளர் வி.சீனிவாச ராவ் கூறியதாவது….

இது என்னுடைய முதல் படம்.இயக்குநர் சின்ன வெங்கடேஷ் சொன்ன கதை எனக்குப் பிடித்ததால் மஹிந்திரா பிக்சர்ஸ் பேனரில் இப்படத்தைத் தயாரிக்கிறேன். அனைத்து இரசிகர்களும் விரும்பும் அனைத்து அம்சங்களுடன் வரும் இப்படம் எங்கள் பேனருக்கு நல்ல பெயரைப் பெற்றுத் தரும் என நம்புகிறேன் என்றார்.

படத்தின் நாயகன் சைதன்யா கூறுகையில்….

இது எனது மூன்றாவது படம்.இயக்குநருக்கு என்னை எனது முதல் படத்தின் மூலம் தெரியும். இப்படி ஒரு நல்ல படத்தில் நடிக்க வாய்ப்பு கொடுத்த இயக்குநர் மற்றும் தயாரிப்பாளர் ஆகியோருக்கு நன்றி. நல்ல டீம் மற்றும் நல்ல கதையுடன் உருவாகி வரும் இப்படம் கண்டிப்பாக அனைத்து இரசிகர்களுக்கும் பிடிக்கும் என்றார்.

பட நாயகி ரித்திகா சக்ரவர்த்தி கூறுகையில்……

“போம்ம அதிரிந்தி திம்ம திரிகிந்தி” படம் எனக்கு நல்ல பெயரைப் பெற்றுத் தந்தது. அதையடுத்து, விஜய் தேவரகொண்டாவின் “குஷி” படத்தில், ‘ஆனந்தா’ படத்திலும் கதாநாயகியாக நடிக்கிறேன். இப்போது சஸ்பென்ஸ் த்ரில்லர் போன்ற நல்ல கதையில் நடிக்க வாய்ப்பளித்த இயக்குநர் மற்றும் தயாரிப்பாளர்களுக்கு நன்றி என்றார்.

இசையமைப்பாளர் ஸ்வரூப்-ஹர்ஷா கூறியதாவது….

இந்தப் படத்திற்கு அருமையான மெலடி பாடல்களை நல்ல வரிகளுடன் வழங்குகிறோம்.இவ்வளவு நல்ல படத்திற்கு இசையமைக்க வாய்ப்பளித்த இயக்குநர் மற்றும் தயாரிப்பாளருக்கு நன்றி

இவ்வாறு அவர் கூறினார்.