கராத்தே வீரர் துபாய் நடிகை பேய்வீடு – கைலா பட தகவல்கள்

பூதோபாஸ் இண்டர்நேஷனல் பிலிம்ஸ் என்ற பட நிறுவனம் சார்பாக பாஸ்கர் சீனுவாசன் தயாரிக்கும் படத்திற்கு “கைலா” என்று பெயர் வைத்துள்ளனர். படத்தின் கதை திரைக்கதை வசனம் மற்றும் இயக்கமும் அவரே.இவர் இண்டர்நேஷ்னல் கராத்தே பெடரேசன் அமைப்பின் செலக்டிவ் குருப்பில் முக்கிய பொறுப்பில் இருப்பவர் என்பது கூடுதல் தகவல்.

இந்தப் படத்தில் தானாநாயுடு கதாநாயகியாக நடித்துள்ளார்.இவர் துபாயில் பிறந்து வளர்ந்தவர். இப்போது இலண்டனில் படித்துக் கொண்டிருக்கிறார்.இந்தப் படத்தில் நடிப்பதற்காக 45 நாட்கள் இந்தியா வந்து நடித்து முடித்துச் சென்றுள்ளார்.

பாஸ்கர், சீனுவாசன், பேபி கைலா, அன்பாலயா பிரபாகரன், கெளசல்யா, செர்பியா, ஆதியா, சிசர்மனோகர் ரஞ்சன் ஆகியோர் நடிக்கிறார்கள்.

இப்படத்துக்கு ஒளிப்பதிவு பரணி செல்வம்,இசை ஸ்ரவன்,
பாடல்கள் வடிவரசு,கலை மோகன மகேந்திரன்,நடனம் எஸ்.எல்.பாலாஜி,படத்தொகுப்பு அசோக் சார்லஸ்

கொடைக்கானல் சென்னை பாண்டிச்சேரி போன்ற இடங்களில் 45நாட்கள் படப்பிடிப்பு நடந்து முடிந்துள்ளது.

படம் பற்றி இயக்குநரிடம் கேட்டோம்..

உலகம் முழுவதும் இன்று வரை பேய் என்றால் ஒரு விதமான பயம் இருக்கத்தான் செய்கிறது

தானாநாயுடு இப்படத்தில் ஒரு எழுத்தாளராக நடிக்கிறார்.

அவர் பேயைப் பற்றி ஆராய்ச்சி செய்ய முடிவெடுத்து அதற்கான தேடுதலில் இறங்குகிறார்.

பல வருடங்களாக பேய் வீடு என்று மக்களால் சொல்லப்பட்டு பூட்டியே கிடக்கும் ஒரு வீட்டைத் தேர்ந்தெடுக்கிறார். அந்த வீட்டின் பிரச்சனையை ஆராயத் துவங்கும் போது ஒரு பெண்ணாக நிறைய பிரச்சனைகளை சந்திக்கிறார். அதிலிருந்து மீண்டாரா என்பதை திகில் படமாக உருவாக்கி இருக்கிறோம்.

பேபி கைலா பங்கேற்ற பாடல் காட்சி ஒன்றை வித்தியாசமாக படமாக்கினோம்.

ஐந்து இலட்ச ரூபாய்க்கு பொம்மைகளை வாங்கி பாடல் காட்சியைப் படமாக்கினோம் என்றார் இயக்குநர் பாஸ்கர் சீனுவாசன்.